戶外妝容

Ready-to-go!潮跟夏日 戶外妝容

美妝髮型

##embed-label-0##

Text | Qiqi

踏入旅遊旺季,大家已開始計劃去邊度旅行未?如果你每次去旅行,都因為行程太趕而冇時間扮靚,咁就可能少咗好多樂趣同影靚相嘅機會!趁而家出發前好做定功課,睇下今季有邊款人氣 戶外妝容 最適合你!

日韓系啞緻妝
香港女生最鍾意短遊日、韓掃貨同吃喝玩樂!日韓系啞緻妝容適合配襯各種時尚打扮,就算去旅行都要以最悅目嘅造型引人注目!

日韓妝特點係白滑無瑕底妝,重視塑造眼線及睫毛來突出眼部輪廓,今夏以柔美色調為主,配襯鮮色唇彩加添時尚感。

妝容重點:

1. 細緻素肌

化妝前來個簡單面部按摩,包括打圈輕按眼部、面部穴位及耳至頸部淋巴位置,有助提升血液循環,改善黑眼圈及細紋,令妝效更出色。

2. 突顯眼妝

眼妝係日韓妝嘅靈魂,可採用色彩突出嘅眼線、眼影,或於眼周畫上閃銀色嘅highlight,以突顯眼部神采。

3. 無瑕底妝

想在夏天時刻保持完美日韓妝,CHANEL最新推出嘅LE TEINT ULTRA TENUE Compact Foundation($525/ 13g)於任何情況下都可以長時間保持啞緻妝效,而且擁有良好控油效果及遮瑕度高,帶來自然舒適嘅妝感,適合打造日韓系完美底妝。

歐遊「仙氣」妝
充滿文化氣息嘅歐洲,處處都是靈氣,仙氣女神妝就最適合。外國風女神必不可少嘅係一條maxi dress加空氣感鬈曲長髮,其夏日妝容則以自然嘅Summer Glow及透明感素肌為主。

純白或碎花maxi dress,加埋今季大熱off-shoulder上衣及長曲髮造型,締造仙氣女神。

妝容重點:

女神妝帶有一份細緻嘅柔美感,切忌濃妝艷抹;可選用略帶金黃色或橙色嘅sunset color tone眼影及蜜桃色或淺粉紅色胭脂。

Coachella戶外派對妝
Coachella音樂藝術節已經成為一個fashion code,唔少名人同超模都以至潮嘅性感民族裝束出席呢個派對。Coachella妝唔單止去戶外音樂派對,亦適合去沙灘或旅行度假時化!

今年coachella hairstyle trend係打孖嘅丸子頭。

妝容重點:

1. 閃石裝飾

Coachella妝大玩face jewels,在臉上貼上充滿民族特色嘅閃石,與一身民族打扮十分配合。

2. 畫民族臉

簡單嘅face paint比較易handle,要配合番少少tan嘅健康膚色,還有各種民族飾物嘅配襯。

3. 長效底妝

全日進行戶外活動好需要清爽、長效嘅底妝,CHANEL VITALUMIERE活力亮澤水凝粉底霜SPF 15.PA++($490/ 10g)(前)及活力亮澤水凝粉底液SPF 15($440/ 30ml)(後)都好適合呢個時候用:前者keep 8小時妝效,同時令膚色更均勻、水潤及散發光澤;後者清爽貼服,快捷易用,塑造健康清新妝容。

有什麼好用底妝產品推薦?

化妝時必定要用底霜做好妝前打底,避免皮膚直接接觸化妝品及令肌膚變得更光澤。之後就可以塗上粉底液氣墊粉底;亦可使用遮瑕膏/遮瑕液加強修飾臉上瑕疵。有化妝師教路使用粉底刮棒就可以4步化出原生膚,再用上三文治定妝法即可使整個底妝變得持久不脫妝。如果想營造偽素顏效果,潤澤膚色,則可改用素顏霜

有沒有價廉物美的面部保濕產品推介?

保濕產品有多個種類,在眼霜方面,消委會3款高分眼霜推薦,當中百元眼霜媲美千元品牌!保濕面膜方面,比較了10款面膜,貼服度極高,有效急救轉季泛紅問題;保濕面霜方面,比較了10好用平價保濕面霜,冬天、夏天轉季都啱用。

你可能也喜歡

Recommended