出Trip神物 一油多用

因為前身是個旅遊記者，所以對帶出國旅行的收納及行李有點小要求，就是要輕便，玩得隨心。

今次去台南，本來執了卸妝／面霜／身體乳液⋯⋯後來在最後一刻修正，把這三件東西濃縮成一支油：1. Melvita Argan Oil HK$320 (50ml)

首先，每日回到民宿我都用上Argan Oil來卸妝，不過由於它是沒有乳化劑，所以一定要帶埋卸妝棉來用，而為了保持卸妝棉之整潔，我就用2. 紙巾膠袋來盛載。而Argan Oil就連防水眼線都卸到，油溶性頗強。不過之後就要用洗面用品洗乾淨，平時得到的旅行試用妝裝，就會留返出Trip先用。

而Argan Oil本身亦是很好的按摩油，去玩行完一日小腿好攰，就可以用來滋潤皮膚同按摩。不知大家去旅行用酒店洗頭水有沒有用到頭髮好乾、好鞋的感覺（我就好覺），而呢個Trip仲發現可以用來做髮尾油（我平時都唔用護髮素幫頭髮打蠟，封住D頭髮，好恐怖 ＞＜）。用少少在髮尾已經OK。

順帶一提，如果冬天去日本同韓國，尤其是去滑雪，一定要帶支油。日韓比香港都乾好多，又凍，油先夠潤之外，早上起身也可以用油按按面，讓血液循環起來，塊面暖和起來才更上妝。

另外，因為今次是去Hea，跟去泰國差不多，化妝以透薄同方便為主。就帶上了4. 有埋防曬的BB Cream。不過最想推介的，反而是這支連掃的3. Shiseido Maquillage True Cheek胭脂，一扭出來就係沾上粉紅胭脂的掃毛，去旅行用真係好方便。

最後一個貼士，係根據多年的出Trip經驗，呢個世界係無一個化妝袋比密實袋更加好的「化妝袋」！無敵優點：

1. 輕！

2. 省位，一定比厚厚的花巧化妝袋更省位，記得擠番D空氣出來呀！

3. 防漏，當你發現D一支二支嘢漏晒出嚟，漿實晒其他手信／衣物，你會好後悔，無用到密・實・袋！